Amerikan startapy asteroidlerden platina gazyp almagy meýilleşdirýär
Älem startapy AstroForge asteroidlerde platina gazyp almak boýunça uçuşy amala aşyrmklyga taýýarlyk görýär. Synag uçuşyny eýýäm şu ýylyň aprel aýynda amala aşyrmak meýilleşdirilýär. Bu adamzadyň taryhyndaky ilkinji gezek asman jisimlerinden peýdaly gazylyp alynmalary almak synanyşygydyr. Iki sany älem apparatyny SpaceX Falcon 9 raketasy orbita çykarar – diýip, Bloomberg habar berýär.
Birinji saparyň dowamynda asteroide gonmak we peýdaly magdanlary almak meýilleşdirilmeýär. Ol älemde asteroid materiallardan platinany arassalap almak usulyny synag etmegi öz içine alar. Peýdaly magdanlaryň şu hili usulda gazylyp alynmagy ekologik taýdan has howpsuzdyr we Ýeriň daşky gurşawy üçin zyýansyzdyr.
«Biz metaly ýerinde, asteroidde arassalarys, ýagny galyndylardan arassalanan metal alarys, bu bolsa daşky gurşaw üçin has howpsuz bolar» – diýip, kompaniýanyň baş direktory Metýu Gialiç düşündirdi.
ORIENT habarlar
