Täjigistan Respublikasynyň Prezidenti Döwlet baştutanyna gutlag hatyny ýollady
Täjigistan Respublikasynyň Prezidenti Döwlet baştutanyna gutlag hatyny ýollady
Onuň Alyhezreti, Türkmenistanyň Prezidenti jenap Serdar Berdimuhamedowa
Hormatly Serdar Gurbangulyýewiç!
27-nji ýanwarda täjik-türkmen diplomatik gatnaşyklarynyň ýola goýlanyna 30 ýyl doldy.
Iki ýurduň özara gatnaşyklarynyň täze taryhynda möhüm ähmiýeti bolan bu şanly sene mynasybetli Size hem-de Türkmenistanyň dostlukly halkyna tüýs ýürekden gutlaglarymy we iň gowy arzuwlarymy beýan edýärin.
Täjigistanyň we Türkmenistanyň halklarynyň arasyndaky dost-doganlyk we netijeli hyzmatdaşlyk däpleri köpasyrlyk taryha eýedir.
Täjigistan bilen Türkmenistanyň köptaraply döwletara gatnaşyklarynyň pugta binýada eýedigi we onuň özara bähbitleriniň dürli ugurlaryny öz içine alýandygy hem-de häzirki wagtda strategik gatnaşyklaryň täze derejä çykandygy kanagatlanma döredýär.
Şu ýakymly mümkinçilikden peýdalanyp, taraplaryň ýokary derejede geçirilýän yzygiderli gatnaşyklaryň hyzmatdaşlygyň öňe ilerledilmegindäki ähmiýetini bellemek isleýärin.
Biz bu ugurdaky bilelikdäki tagallalarymyzy mundan beýläk-de dowam ederis. Öňde boljak duşuşyklarymyzyň dostluk hem-de özara bähbitli hyzmatdaşlyk gatnaşyklaryny has-da berkitjekdigine, giňeltjekdigine hem-de ýurtlarymyzyň we halklarymyzyň abadançylygynyň bähbidine onuň täze many-mazmun bilen baýlaşdyryljakdygyna ynanýaryn.
Size berk jan saglyk, alyp barýan döwlet işiňizde uly üstünlikleri, Türkmenistanyň doganlyk halkyna bolsa parahatçylyk, ösüş we rowaçlyk arzuw edýärin.
Hormatlamak bilen,
Emomali Rahmon, Täjigistan Respublikasynyň Prezidenti
