Aşgabatdaky Fransuz instituty senetçileriň täze ýyl ýarmarkasyna gatnaşmaga çagyrýar
18-nji dekabrda Aşgabatdaky Fransuz instituty senetçileriň täze ýyl ýarmarkasyny geçirýär, bu köpden bäri garaşylýan baýramçylyk üçin sowgat satyn almaga ajaýyp mümkinçilik döreder.
Ýarmarkada elde öndürilen täze ýyl önümleriniň giň görnüşleri hödürlener. Bu ýere gelýänler täze ýyl eşiklerine ajaýyp goşant goşjak özboluşly zenan şaý-seplerini, şeýle hem erkek adamlar üçin dürli ýadygärlik sowgatlaryny we senetlerini satyn alyp bilerler.
Mundan başga-da, ýarmarkada baýramçylyk gurşawyny we öýde täze ýyl baýramçylygynyň rahatlygyny döretmek üçin öý esbaplaryny hem satyn alyp bilersiňiz.
Her ýyl täze ýyl ýarmarkasy köp sanly myhmanlary özüne çekýär we oňa gatnaşyjylar çäksiz hyýallaryny we döredijilik pikirlerini paýlaşýarlar.
Çäräniň geçiriljek ýeri: Aga Garryýew köçesiniň69-njy jaýy,
Geçiriljek wagty: sagat 12:00-dan 18:00-a çenli.
Giriş – hemmeler üçin tölegsiz.
ORIENT news
Surat: unsplash.com
