Türkmenistanyň we Germaniýanyň bilermen-lukmanlary hyzmatdaşlygy giňeltmek meselelerinimaslahatlaşýarlar
Saglygy goramak boýunçä däp bolup gelýän türkmen-german forumy şu günlerde onlaýn görnüşde iki ýurduň lukmançylyk ugry boýunça hünärmenleriniň gatnaşmagynda geçýär – diýip, resmi türkmen metbugaty habar berýär.
Onuň gün tertibi lukmançylyk, onkologiýa, hirurgiýa, ortopediýa, akuşerçilik, steroid terapiýasy ýaly meseleleriň giň toplumyny öz içine alýar. Gatnaşyjylar şeýle hem antibiotikleriň oýlanyşykly ulanylyşyny, olara bolan durnuklylygyň artmagyny, derman serişdeleriniň goýberilişini ara alyp maslahatlaşarlar.
Özüniň ýüzlenmesinde Türkmenistanyň Saglygy goraýyş we derman senagaty ministri Atageldi Germanow türkmen we nemes hünärmenleriniň saglygy goraýşyň geljegini bir nukdaýnazardan görýändiklerini belledi.
Türkmen lukmanlary Germaniýadan gelen hünärmenler bilen bilelikde kardiologiýa, oftalmologiýa, endokrinologiýa ugurlaryndan
maslahatlary berýärler, barlaýarlar we operatiw bejergi geçiýärler. Aýratyn çylşyrymly ýagdaýlarda uzak aralykdan konsiliumlar, telemaslahatlar geçirilýär.
Mýunhen şäheriniň Grosshadern uniwersitet klinikasynyň professory Parhofer forumyň işlän ýyllarynda Türkmenistanyň paýtagtynda we welaýatlarda 41 sany saglyk edarasy guruldy diýip aýtdy. Ol şeýle hem bu nazardan häzirki zaman saglyk infrastrukturasyny döretmekde beýleki ýurtlara Türkmenistandan öwrenere zat bardygyny goşdy.
ORIENT habarlar
