Türkmenistan Azerbaýjana Ýewropa gazy ibermegini artdyrmakda kömek eder – bilermen
Azerbaýjana ÝB-ne energiýa göterijileriniň eksportyny artdyrmak üçin gerekli bolan tebigy gazyň belli bir möçberi Türkmenistandan elýeterli bolup biler – diýip, ABŞ-nyň Azerbaýjandaky öňki ilçisi Metýu Braýza Trend agentligine beren söhbetdeşliginde aýtdy.
Şunda Azerbaýjandaky gazy barlamak we gazyp almak pudagyna Ýewropa ugradylýan gazy iki esse artdyrmak üçin goşmaça maýa goýumlary zerur bolup durýar – diýip, bilermen belledi.
Braýza ibermeleriň artdyrylmagynyň mümkinçiligini Türkmenistanyň we Azerbaýjanyň Hazar deňzindäki «Dostluk» gaz ojagyny işläp çykarmakdaky hyzmatdaşlygynyň çäklerinde, şeýle hem Hazar deňzindaki «1-nji Blokdan» gazylyp çykarylýan türkmen gazyny eksport etmek mümkinçiliginde görýändigini görkezdi.
Eýýäm on döwlet Azerbaýjandan gazyň goşmaça möçberini sorady – diýip, bilermen aýtdy. Üpjün etmeleriň artdyrylmagy Azerbaýjanyň we Ýb-niň strategiki energetika hyzmatdaşlygynyň möhüm bölegi bolup durýar.
ORIENT habarlar
