Amazon Apple we Google-dan öňe geçip, dünýäde iň gymmat brend boldy
Amerikan kompaniýasy Amazon degişlilikde ikinji we üçünji ýerleri eýelän Apple we Google kompaniýalaryndan geçip, geçen ýylyň jemleri boýunça dünýäde iň gymmat söwda nyşany boldy – diýip, Brand Finance habar berýär.
Şunda 2022-nji ýylda Amazonyň bahasy 15% arzanlady ($350,3 mlrd-an $299,3 mlrd-a çenli). Bu harytlaryň eltip berilmek möhletiniň artmagy sebäpli müşderiler tarapyndan kompaniýa bolan ynamyň peselmegi, şeýle hem koronawirus bilen bagly çäklendirmeleriň aýrylmagynyň netijesinde onlaýn-satyn almalaryň azalmagy bilen baglanyşyklydyr.
Geçen ýylyň lideri bolan Apple brendiniň bahasy 15% aşaklady ($355,1 mlrd-dan $297,5 mlrd-a çenli), muny kompaniýanyň garaşylýan girdeisiniň düşmegi bilen baglanyşdyrýarlar.
Reýtingdäki üçünji ýeri Google eýeledi, geçen ýyl ol 7% gymmatlap, $281,4 mlrd ýetdi. Reýting tehnologiýalar bilen baglanyşykly 48 sany brendden durýar, olaryň içine Samsung, Instagram, Facebook, WeChat, Alibaba.com we beýlekiler girdi.
ORIENT habarlar
