Türkmenistanyň Halk maslahatynyň başlygy Gurbanguly Berdimuhamedow Aşgabat şäheriniň töwerekleri boýunça iş saparyny amala aşyrdy
Türkmenistanyň Halk maslahatynyň başlygy Gurbanguly Berdimuhamedow Aşgabat şäheriniň töwerekleri boýunça iş saparyny amala aşyrdy
Türkmenistanyň Halk maslahatynyň başlygy iş saparynyň dowamynda Garagum derýasynyň 798-nji kilometrliginde ýerleşýän köprüniň üstünde saklandy. Bu ýerde Ministrler Kabinetiniň Başlygynyň orunbasary, Daşary işler ministri Meredow, Ahal welaýatynyň merkeziniň gurluşygy boýunça döwlet komitetiniň başlygy Orazow, Arkadag şäheriniň häkimi Durdylyýew we Aşgabat şäheriniň Häkimi Gandymow şeýle hem Türkmenistanyň ygtybarly hyzmatdaşy, ýurdumyzda köp ýyllaryň dowamynda iş alyp barýan “ALTKOM” jogapkärçiligi çäkli jemgyýetiň ýolbaşçysy Tislenko hem-de “INTERBUDMONTAŽ” gurluşyk assosiýasiýasynyň baş direktory Petrug başga-da birnäçe wekiller boldular.
Türkmenistanyň Halk maslahatynyň başlygy häzirki döwürde ýurdumyzda suw serişdelerini rejeli peýdalanmak, suwarşyň täze usullaryny giňden ornaşdyrmak meselelerine zerur üns berilýändigini belledi.
Şeýle hem türkmen halkynyň milli Lideri ýurdumyzyň içerki suw akabalaryny göwnejaý saklamak, olaryň sazlaşykly akymyny üpjün etmek, suw howdanlaryny, akabalary arassa saklamak meselelerine möhüm ähmiýet berilýändigini belledi.
Gahryman Arkadagymyz gyş günleriniň dowam edýän häzirki pursatlarynda Garagum derýasynyň we beýleki akabalarynyň kä ýerlerinde buz gatlaklarynyň emele gelendigini belläp, derýalaryň kenarlaryny berkitmek, kadaly suw akymlaryny üpjün etmek meselelerine örän jogapkärçilikli çemeleşilmelidigini aýtdy. Soňra hormatly Arkadagymyz hemmelere öňde durýan wezipeleri netijeli ýerine ýetirmekde üstünlikleri arzuw etdi we bu ýerden ugrady.
