Türkmen ýokary okuw mekdebi ilkinji gezek daşary ýurt talyplarynyň gatnaşmagynda olimpiada geçirer
Halkara ynsanperwer ylymlary we ösüş uniwersiteti matematikadan olimpiada gurar, oňa daşary ýurt ýokary okuw mekdepleriniň talyplary hem gatnaşarlar – diýip, HYYÖU-niň durmuş-ynsanperwerlik bilimleri fakultetiniň dekany Habib Halmämmedow «Neýtralnyý Turkmenistan» gazetine beren interwýusynda beýan etdi.
Ozal daşary ýurtly talyplaryň onlaýn-formatynda gatnaşýan III Açyk matematika talyplar olimpiadasy bu ýyl oflaýn geçiriler we 23-28-nji aprel aralygynda Aşgabatda dünýäniň dürli ýurtlaryndan abraýly ýokary okuw mekdepleriniň gatnaşyjylaryny toplar – diýip, Halmämmedow gürrüň berdi.
Olimpiada dürli ýurtlaryň talyplarynyň we mugallymlarynyň arasyndaky gatnaşyklary pugtalandyrmak, ýokary bilimli, giň düşünjeli, döwrebap innowasion tehnologiýalary kämil bilýän hünärmenleri taýýarlamak üçin geçirilýär.
Olimpiada gatnaşmak isleýänler 1-nji fewraldan 30-njy marta çenli HYYÖU-niň resmi saýtynyň üsti bilen hasaba alynmalydyrlar. Olimpiadanyň netijeleri şahsy we topar ballarynyň jemi boýunça kesgitlener. Olimpiadanyň ýeňijilerine altyn, kümüş, bürünç medallar, degişli derejedäki diplomlar, şeýle hem gymmat bahaly ýadygärlik sowgatlary gowşurylar.
ORIENT habarlar
