Dabaraly Maslahat
Şu gün Magtymguly adyndaky Türkmen döwlet uniwersitetinde ýurdumyzyň ylym, bilim, saglygy goraýyş, sport, ýaşlar we jemgyýetçilik toplumynyň guramagynda maslahat geçirildi.
Ol Gahryman Arkadagymyz Gurbanguly Berdimuhamedowyň başlyklyk etmeginde geçirilen Türkmenistanyň Milli Geňeşiniň, ýurdumyzyň jemgyýetçilik wekilleriniň bilelikdäki mejlisinde kabul edilen taryhy çözgütleri we kararlary halkyň arasynda giňden wagyz etmäge bagyşlandy.
Dabaraly maslahatda ilki bilen halk häkimiýetiniň ýokary wekilçilikli edarasynyň döredilmegi hem-de Türkmenistanyň Halk Maslahatynyň Başlygy wezipesine ählihalk tarapyndan saýlanylmagy mynasybetli Gahryman Arkadagymyzyň adyna gutlag sözleri aýdyldy. Şeýle hem ýygnananlar hormatly Arkadagymyz Gurbanguly Berdimuhamedowa Türkmen halkynyň Milli Lideri diýlip kanun esasynda ykrar edilmegi mynasybetli gutlag sözlerini aýtdylar.
Mälim bolşy ýaly, 21-nji ýanwarda döwletimiziň we jemgyýetimiziň durmuşynda bolup geçen uly waka – ýurdumyzyň halk häkimiýetiniň ýokary wekilçilikli edarasynyň - Türkmenistanyň Halk Maslahatynyň döredilmegi hem-de degişli Konstitusion kanunlaryň kabul edilmegi we Türkmenistanyň Gahrymany, hormatly Arkadagymyz Gurbanguly Berdimuhamedowyň Halk Maslahatynyň Başlygy wezipesine bellenilmegi we türkmen halkynyň Milli Lideri diýlip kanunçylyk taýdan ykrar edilmegi, hakykatdan-da, taryhy ähmiýete eýe boldy. Bular barada maslahatda çykyş edenler aýratyn nygtadylar.
Maslahatyň ahyrynda oňa gatnaşyjylar hormatly Prezidentimize we Gahryman Arkadagymyza Ýüzlenme kabul etdiler.
