Saud Arabystany Yslam sungatynyň taryhda ilkinji biennalesine taýýarlanýar
Saud Arabystanynyň taryhynda Yslam sungatynyň ilkinji biennalesi (her iki ýyldan bir gezek geçirilýän sergi) 23-nji ýanwarda Jidda şäherinde Şa Abdulaziz adyndaky halkara howa menziliniň “Haj” terminalynda açyldy.
Bu çäre dünýädäki musulmanlaryň ýakyn arabaglanyşygyny, şeýle hem ruhy we çeper estetikanyň arasyndaky baglanyşygy görkezip, yslam sungatynyň baýlygyny dünýä ýaýar. Ekspozisiýanyň esasy mowzugy Gurhandan gelip çykan "Awwal Baýt", ýagny arap dilinden terjime edilende "Birinji öý" diýmegi aňladýar. Bu söz düzümi musulmanlar üçin iň mukaddes ýer bolan Mekgedäki Käbä degişlidir.
Şa Abdulaziz adyndaky halkara howa menzilinde ýerleşýän 1981-nji ýylda gurlan “Haj terminaly” her ýylky Haj bilen baglanyşykly däp-dessurlara gatnaşmak üçin Saud Arabystanyna gelýän millionlarça zyýaratçyny garşy alýar.
Özboluşly binagärlik gurluşy üçin bu bina 1983-nji ýylda Aga Han baýragyna eýe boldy. Bu ýerdäki 70,000 inedördül metr meýdançada uly sergi pawiliony bar. Yslam sungat sergisi 2023-nji ýylyň 23-nji apreline çenli açyk bolar.
ORIENT news
