BMG gender zorlugyny ýok etmek üçin bütindünýä hereketine gatnaşmaga çagyrýar
Şu gün Birleşen Milletler Guramasynyň Halkara aýal-gyzlara garşy gender zorlugyny ýok etmek gününde «Gender zorlugyna garşy 16 işjeňlik güni» atly bileleşigi başlaýar.
Bu ýyl çäre – «Birleşiň! Aýallara we gyzlara garşy edilýän zorlugy ýok etmek üçin işjeňlik» atly şygar astynda geçirildi. Dünýädäki iň uly halkara hereketleriň biri hasaplanýan her ýyl geçirilýän bu maslahat mämişi reňk bilen belgilenip, ol aýal-gyzlara garşy hiç hili zorlugyň bolmajaklygyny aňladýan bir geljegiň nyşany hökmünde alamatlandyrylýar.
Mysal üçin, siz hem bu bileleşige gatnaşýandygyňyzy görkezýän suratlaryňyzy, habarlaryňyzy we wideolaryňyzy sosial ulgamlarda paýlaşyp, herekete goşulyp bilersiňiz. Şunuň bilen baglylykda, ÝB-niň Türkmenistandaky wekilhanasy tarapyndan milli hyzmatdaşlar bilen bilelikde hereketiň pikirlerine örän ygrarlydygyny görkezýän suratlar eýýäm guramanyň Instagramdaky resmi saýtynda ýerleşdirildi.
«Gender zorlugyna garşy 16 işjeňlik güni» çäresi – her ýylyň 25-nji noýabryndan (Halkara aýal-gyzlara garşy gender zorlugyny ýok etmek güninden) 10-njy dekabra (Adam hukuklary gününe) çenli geçirilýär.
Bu başlangyç, aýal-gyzlara garşy gender zorlugyny ýok etmek ugrundaky düşünjäni ýokarlandyrmaga, gyzyklanýan taraplary bu ugurda hyzmatdaşlyga çekmäge gönükdirilendir. Bu halkara hereketi – adam hukuklary ýörelgelerine we hiç hili zorlugyň bolmajagy bir dünýä jemgyýetini gurmak maksatlaryna esaslanýar.
ORIENT news
