"Belarus" traktory indi hytaý "ýüregi” bilen
Hünärmenler “Belarus” traktoryna goýulan hytaý hereketleydirijisini “ygtybarly, tygşytly we elýeter” diýip, häsiýetlendirýärler. Onuň kuwwatlylygy 350 at güýjüne deňelýär. Häzirki wagtda enjam synagdan geçirilýär we şu ýyl hakyky şertlerde işe başlar diýip, Belarussiýanyň KHBS-i ýazýar.
Ozal “Belarusyň ‘ naýbaşy görnüşlerine amerikan we ýewropa hereketlendirijileri oturdylýardy. Emma bu ýurtlardan import bes edildi, ýöne diňe bir hereketlendiriji üçin däl-de, eýsem beýleki enjamlaryň we şaýlaryň ýerini tutjak mynasyp görüşler tapyldy. Belarussiýanyň gidrawlikasy we Russiýanyň nawigasiýa ulgamy ýerine düşdi.
Hytaýda öndürilen bu hereketlendiriji traktora oturdylanda, esasy üýtgeşmeler dolandyryş ulgamyna, ýangyç we howa arassalaýjy enjamlara täsir etdi. Synaga iki dwigatel berildi, biri eýýäm zawodyň synag meýdançasynda synagdan geçirilýär, ikinjisi bolsa ýygnalýar.
Hytaýly hyzmatdaşlar her aý şeýle ulgamlaryň 100-si bilen üpjün etmäge taýyn. Täze enjamlara Minskiň golaýyndaky "Welikiý kamen" senagat parkynda ýerleşýän belarus-hytaý kompaniýasy hyzmat eder.
ORIENT news
