Minnihanow türkmen-tatarystan hyzmatdaşlygynyň geljekdäki ugurlaryny belledi
Tatarystanyň prezidenti Rustam Minnihanow Aşgabatda geçirilýän türkmen-russiýa biznes-forumynda çykyş etmek bilen, Türkmenistan bilen işewürlik hyzmatdaşlygyň geljegi bolan ugurlaryny belledi – diýip, respublikanyň baştutanynyň resmi saýtynda habar berilýär.
Täze taslamalaryň sanawynda - Türkmenistan üçin Russiýanyň iri gämi gurluşyk kärhanalarynyň biri bolan Gorkiý adyndaky Zelenodol zawody tarapyndan konteýner daşaýjynyň gurluşygydyr. Ozal bu zawod Türkmenistana tiz ýüzýän ýolagçy gämileri bilen üpjün edipdi.
KER-holding kompaniýasy tarapyndan gazturbina hereketlendirijileriniň üpjün edilmegi boýunça işler alnyp barylýar. Ol inžiniring, senagat gurluşygy ugrundan ýöriteleşýär we türkmen hyzmatdaşlary bilen işjeň özara hereket edip, eýýäm öňden bäri Türkmenistanda öz işlerini alyp barýar.
«Nebiti gözlemek, nebiti gazyp çykarmak, gazy daşamak ýaly ugurlarda gatnaşyklary ösdürmek üçin az bolmadyk mümkinçilikler bar. Awtoulag, uçar we gämi gurluşygy, energetika, himiki önümleri üpjün etmek, farmasewtika we lukmançylyk, agrosenagat toplumy we beýleki köp ugurlar bar» – diýip, Tatarystanyň prezidenti belledi.
ORIENT habarlar
