Russiýa Federasiýasynyň Tatarystan Respublikasynyň Prezidenti iş sapary bilen Aşgabada geldi
Russiýa Federasiýasynyň Tatarystan Respublikasynyň Prezidenti iş sapary bilen Aşgabada geldi
18-nji ýanwarda Russiýa Federasiýasynyň Tatarystan Respublikasynyň Prezidenti Rustam Minnihanow iş sapary bilen Aşgabada geldi. Ol Russiýa Federasiýasynyň Hökümetiniň Başlygynyň şu ýylyň 19-20-nji ýanwarynda ýurdumyza meýilleşdirilýän resmi saparynda dostlukly ýurduň wekiliýetiniň düzüminde-de bolar. Bu sapar däp bolan dostluk, hoşniýetli goňşuçylyk we özara bähbitli hyzmatdaşlyk gatnaşyklarynyň has-da ösdürilmegine ýardam berer.
Paýtagtymyzyň Halkara howa menzilinde ýokary derejeli russiýaly myhmany ýurdumyzyň resmi adamlary garşyladylar. Myhmanyň awtoulagy Halkara howa menzilinden özi üçin niýetlenen kabulhana tarap ugrady.
Rustam Minnihanow Russiýanyň iri sebitleriniň biriniň – Tatarystan Respublikasynyň prezidenti hökmünde Russiýa Federasiýasynyň Hökümetiniň Başlygy Mihail Mişustiniň 19-20-nji ýanwarda ýurdumyza meýilleşdirilýän resmi saparynda beýleki sebitleriniň ýolbaşçylary bilen birlikde, dostlukly ýurduň wekiliýetiniň düzümine-de girer.
Saparyň dowamynda Aşgabatda ýokary derejede gepleşikler geçiriler. Şeýle hem Rustam Minnihanow iş saparynyň dowamynda ikitaraplaýyn özara gatnaşyklary has-da ösdürmäge gönükdirilen çärelere gatnaşar.
