Serdar Berdimuhamedow we Wladimir Putin energetika boýunça hyzmatdaşlygy ara alyp maslahatlaşdylar
Energetika babatyndaky hyzmatdaşlygy Türkmenistanyň Prezidenti Berdimuhamedow we Russiýanyň baştutany Wladimir Putin sişenbe güni, 17-nji ýanwarda bolan telefon söhbetdeşliginde ara alyp maslahatlaşdylar – diýip, Kremliň metbugat gullugy habar berýär.
Iki ýurduň baştutanlary türkmen-rus strategiki hyzmatdaşlygynyň ýetilen derejesine ýokary baha berdiler we energetika babatynda hyzmatdaşlyk etmegiň birnäçe meselelerini ara alyp maslahatlaşdylar – diýip, habarda aýdylýar.
Ozal ORIENT 19-njy ýanwarda Russiýanyň premýer-ministri Mihail Mişustiniň Türkmenistana geljekdigini habar beripdi, ol Aşgabatda geçiriljek ýokary derejeli türkmen-rus işewürlik forumynda Russiýanyň wekiliýetine baştutanlyk eder. Çäräniň çäklerinde rus önüm öndürijileri üçin sergi binasynyň – «Russiýanyň söwda öýüniň» dabaraly açylyşy meýilleşdirilýär.
Türkmen-rus işewürlik forumynyň netijeleri boýunça ikitaraplaýyn ylalaşyklara gol çekilmegine hem garaşylýar.
ORIENT habarlar
