Bilermen soňky 14 ýylda Türkmenistanda döwlet tölegleriniň we kömek pullarynyň möçberiniň artandygyny gürrüň berdi
Döwlet tölegleriniň we kömek pullarynyň möçberi2008-nji ýyldan 2022-nji ýyla çenli 1225,2%, edil şunuň ýaly döwür üçin aýlyk haklary – 394,4% ýokarlandy. Şu hili sanlary ykdysady ylymlaryň kandidaty Maýagözel Babaýewa “Türkmenistan” gazetine beren synynda getirýär.
Bilermen, ýakyn 30 ýylda aýlyk haklaryny ýokarlandyrmak boýunça goýlan meselelere ýetmek üçin şu tölegleriň balansy we zähmet öndürijiligi aýratyn ähmiýete eýe bolýar diýip belledi.
Eksport strategiýasyny durmuşa geçirmek bilen bir hatarda ykdysadyýetiň bazar ýoluna üstünlikligeçmegi bellenildi, hususan-da, ykdysadyýetde telekeçilik pudagynyň giňeldilmegi nygtaldy.
Ykdysatçynyň bellemegine görä, goýlan maksatlar öndürilýän önümiň hilini kämilleşdirmek arkaly we durnukly zähmet bazarynyň döremegine ýardam edýän täze önümçilikleriň emele gelmegi arkalydurmuşa geçirilip bilner.
ORIENT habarlar
