Türkmenistanyň jemagat hojalygynyň işgärleri ýagan garyň ýetiren täsirleri babatda döreýän işlerde tagallalaryny gaýgyrmaýarlar
10-njy ýanwarda ir ertirden başlap, ýaşaýyş-jemagat hojalygynyň işgärleri Türkmenistanyň köçelerinde we awtoulag ýollarynda gardan arassalamak boýunça işleri alyp barýarlar.
Ýakynda ýollar hem-de pyýada geçelge zolaklary doňaklyga garşy serişdeler bilen işlenildi. Şeýle srişdeleriň ulanylmagy awtoulag ýollarynda we ýan ýodalara düşen gar doňaklygyny tiz aýyrmaga mümkinçilik berýär.
Jemagat gullugynyň işgärleri geçelge ýerleri garlardan arassalamaga aýratyn üns berýärler. Bu işleri ýerine ýetirmäge ýöriteleşdirilen arassalýyş tehnikalary işe çykaryldy.
Işgärler garlary ýoluň gyrasyna üýşürýärler. Şol ýerlerde emele getirilen gar üýşmekleri ulaglaryň kömegi bilen ýörite bölünip berlen ýerlere eltilýär. Ilkinji nobatda, duralgalaruyň hem-de pyýada geçelgeleriň töwereklerindäki ýerler gardan arassalanylýar.
Şäherlerde ýan ýodalardaky, ýaşaýyş jaýlarynyň ýanaşyk ýerlerindäki çäkler, dolandyryş edaralarynyň hem-de söwda-dynç alyş ulgamynyň desgalaryna eltýän ýollardaky garlardan köpçülikleýin arassalanylmagy guraldy.
Gyşky ýyladyş möwsüminde jemagat hojalygynyň üznüksiz işini üpjün edilişi gözegçilikde saklanylýar, bu baradaky meselä Türkmenistanyň prezidentiniň ýurduň welaýat häkimleri bilen 9-njy ýanwarynda geçiren iş maslahatynda garaldy.
Türkmenitanda sowuk howa dowam edýär. 12-14-nji ýanwarda howanyň temperaturasy -18°…-23° derejä ýetip biler, aýry-aýry sebitlerde bolsa, ýagan garyň netijesinde onuň galyňlygy 10-15 santimetre ýetdi.
ORIENT news
