Türkmenistanyň Prezidenti Gyrgyz Respublikasynyň Türkmenistandaky ilçisini kabul etdi.
Türkmenistanyň Prezidenti Serdar Berdimuhamedow Gyrgyz Respublikasynyň Türkmenistanda täze bellenilen Adatdan daşary we Doly ygtyýarly ilçisi Azizbek Madmarowy kabul etdi.
Ilçi duşuşmaga döredilen mümkinçilik üçin hoşallyk bildirip, Serdar Berdimuhamedowa ynanç hatyny gowşurdy hem-de Gyrgyz Respublikasynyň Prezidentiniň mähirli salamyny ýetirdi. Diplomat Gyrgyz Respublikasy bilen dost-doganlyk gatnaşyklaryny baglanyşdyrýan Türkmenistanda öz ýurduna wekilçilik etmegiň uly hormatdygyny belledi.
Türkmenistanyň Prezidenti Gyrgyz Respublikasynyň Prezidentine özüniň hoşniýetli arzuwlaryny beýan edip, ilçini jogapkärli diplomatik wezipä bellenilmegi bilen gutlady.
Özara bähbitli Söwda-ykdysady, ylmy-tehniki we ynsanperwer hyzmatdaşlyk boýunça türkmen-gyrgyz hökümetara toparyna uly orun degişlidir. Şunuň bilen birlikde, medeni-ynsanperwer ulgamda hyzmatdaşlygyň mundan beýläk-de çuňlaşdyrmagyň ähmiýeti bellenildi.
