Türkmenistanda gar ýene-de birnäçe günläp ýagar

Ýanwar 09, 2023 | 21:41 |15640

2023-nji ýylyň ikinji hepdesi türkmenistanlylar üçin gar bilen başlandy. Ýurduň käbir etraplarynda howanyň kadadan birnäçe gradus pes bolan derejesi emele geldi.

Ýagynlar birnäçe günläp dowam eder. «Meteožurnal»neşiriniň habar bermegine görä, 9-njy ýanwardan 10-njy ýanwara geçilen gije güýçli gar ýagmagyna garaşylýar, 10-njy ýanwar güni gündiz Türkmenistanyň günorta-gündogaryndaky Mary welaýatynda, Lebap welaýatynyň hem uzak gündogaryndaky käbir ýerlerinde gar örtüginiň 10-15 santimetre çenli ýetmegine garaşylýar.

Günbatar we merkezi Köpetdagyň daglyk etraplarynda gar örtügi 10 santimetre çenli ýeter.

ORIENT habarlar
Surat: redaksiýanyň arhiwinden