Watan 07.01.2023
Daşoguz welaýatynyň häkimliginde maslahat geçirildi.
Maslahatda ilkinji nobatda ýurdumyzda täze häzirki zaman şäheriniň döremegi we onuň Arkadag şäher diýlip atlandyrylmagy hem-de bu ýerde gurlan binalardyr, desgalara Gahryman Arkadagymyzyň beren teklipdir, maslahatlary esasynda dürli döwürlerde halkyň we watanyň öňünde aýratyn hyzmatlary bitiren görnükli şahsyýetlerimiziň atlaryny ebedileşdirmek maksady bilen olaryň atlarynyň dakylmagy mynasybetli gutlag sözleri hem-de arzuwlar ýaňlandy.
Soňra çykyş edenler gysga wagtyň içinde şähergurluşyk işiniň ýokary talaplaryna laýyk gelýän innowasion tehnologiýalar, ylmy tehniki ösüşiň öňdebaryjy gazananlaryny ulanylyp, dünýä nusgalyk ajaýyp şäheriň emele gelendigini bellediler.
Şäheriň Arkadag diýlip atlandyrylmagy Gahryman Arkadagymyzyň halkymyzyň öňünde bitiren hyzmatlaryna goýýan beýik sarpasynyň, söýgüsiniň hem-de buýsanjynyň nyşanydyr diýlip çykyşlarda bellenildi.
Maslahatyň dowamynda welaýat medeniýet müdirliginiň hem-de Magtymguly Garlyýew adyndaky ýörite sungat mekdebiniň aýdym-saz “Hor” toparlarynyň çykyşlaryna orun berildi.
