Türkmenistan we Hytaý gaz pudagynda bilelikdäki taslamalary durmuşa geçirmegi çaltlandyrarlar
Türkmenistanyň we Hytaýyň hökümetleri «Türkmenistan-Hytaý» gaz geçirijisiniň D şahasynyň gurluşygy boýunça, «Galkynyş» gaz ýatagynyň senagat taýdan işlenilmegi boýunça taslamalaryň we gaz pudagyndaky beýleki bilelikdäki başlangyçlaryň durmuşa geçirilmegini çaltlandyrarlar.
Bu barada Türkmenistanyň Prezidenti Serdar Berdimuhamedowyň we HHR-nyň başlygy Si Szinpiniň ýokary derejedäki gepleşikleriniň netijesi boýunça bilelikdäki beýannamasynda aýdylýar .
Şeýle hem taraplar mundan beýläk nebit-gaz ugrunda hereket edýän şertnamalary doly ýerine ýetirjekdiklerini we gaz hyzmatdaşlygy boýunça gepleşikleriň öňe gitmegine itergi berjekdiklerini nygtadylar.
Ýokary derejedäki türkmen-hytaý gepleşikleriniň netijesi boýunça «Türkmengaz» döwlet konserni bilen CNPC kompaniýasynyň arasynda, şeýle hem Ýagşygeldi Kakaýew adyndaky Halkara nebit we gaz uniwersiteti bilen CNPC-niň arasynda özara düşünişmek hakynda Ähtnama gol çekildi.
Türkmenistan turba geçirijiler arkaly gazy Hytaýa iň esasy üpjün ediji bolmagynda galýar. 2022-nji ýylyň ýanwar-noýabr aýlarynda HHR-na türkmen mawy ýangyjynyň $9,8 mlrd. möçberi eksport edildi
Baglanyşykly okaň:
Türkmenistan we Hytaý 16 sany ikitaraplaýyn resminama gol çekdiler
Türkmenistanyň Hytaýa eksporty 78% artdy – täze şertnamalar başlanýar
Türkmenistan we Hytaý älem giňişligini öwrenmekde we peýdalanmakda hyzmatdaşlyk ederler
ORIENT news
Surat: fmprc.gov.cn
