Türkmenistanyň Hytaýa eksporty 78% artdy – täze ylalaşyklara badalga bermäge garaşylýar
2022-nji ýylyň ýanwar-oktýabr aýlarynda Türkmenistanyň Hytaýa eksporty ABŞ-nyň 7 milliard dollaryna ýakynlap, (statistikanyň maglumatlaryna görä – 6 969,6 million) 2021-nji ýylyň şol döwründäki görkeziji bilen deňeşdirilende, 78%-den gowrak ýokarlandy. Bu bolsa türkmen önümlerini öňe ilerletmekde HHR-ni iri bazara öwürýär.
Şol bir wagtda geçen ýylyň ilkinji 10 aýynda Türkmenistan Hytaýdan importy hem -- 66,6% (612,5 million dollar) artdyrdy.
2021-nji ýylda hem Türkmenistanyň eksportunyň möçberinde Hytaýyň 4,9 milliard dollardan gowrak baha bilen ilkinj orny eýeländigini , 2020-nji ýylda bolsa bu görkezijiniň 4 milliarddan biraz geçendigini bellemek gerek. Import boýunça HHR 2021-nji ýylda 4-nji orun (455,9 million dollar) eýeledi.
Penşenbe güni Türkmenistanyň Prezidentiniň Hytaýa başlanan saparynyň dowamynda söwda-ykdysady we energetika hyzmatdaşlygy hakynda täze ylalaşyklaryň gazanylmagyna garaşylýar.
6-njy ýanwarda Pekinde geçirilmegi bellenilen türkmen-hytaý gepleşikleriniň şol gün 31 ýyl mundan ozal, iki ýurduň arasynda diplomatik gatnaşyklaryň ýola goýlan senesi bilen gabat gelendigi bellärliklidir.
Türkmenistan Hytaýa tebigy gazy esasy iberiji bolup durýar, şunda 2022-nji ýylyň sentýabrynda ŞHG-niň sammitiniň çäklerinde iki döwletiň baştutanlarynyň duşuşygy mahaly, çig mala degişli bolmadyk ulgamlarda hyzmatdaşlygy giňeltmegiň zerurdygy nygtaldy.
ORIENT news
