ÝUNISEF 2023-nji ýylda DÖM-nyň ýaş ilçileri bilen işlemegi dowam etdirer
2023-nji ýylda ÝUNISEF DÖM-nyň ýaş ilçileri bilen özara hereket etmegini dowam etdirer, ýurtdaky her bir çaganyň geljegine bolan goşant üçin olaryň mümkinçiliklerini giňelder. Bu barada guramanyň metbugat üçin maglumatlarynda habar berilýär.
2022-nji ýyl – DÖM-nyň ýaş ilçileriniň işiniň üçünji ýyly öndürijilikli boldy. Ýaşlar çagalaryň abadançylygyny üpjün etmek boýunça dürli ugurlardan habardarlygy ýokarlandyrmaga gönükdirilen dürli çärelere işjeň gatnaşdylar, hususan-da, olar howanyň üýtgemegi, sagdyn durmuş ýörelgesini alyp barmak, bilim, gender deňliginiň meselelerini gurşap alýar.
Olaryň gatnaşmagynda Aşgabatda betbagtçylyklaryň töwekgelçiligini azaltmak boýunça Halkara gününi, Ýeriň Gününi belläp geçdiler. DÖM-nyň ýaş ilçileri halkara derejedäki dürli çäreleriň bir bölegi bolmak bilen, öz pikirdeşleriniň sanyny giňeltdiler. Olar ÝB we ÝUNISEF tarapyndan Ýewropanyň bilim gaznasy (ETF) bilen bilelikde gurnalan Merkezi Aziýadan gelen ýaşlaryň sebitleýin dialogyna gatnaşdylar, ol ÝB—Merkezi Aziýa maslahatynyň meýdançasynda bolup geçdi, şeýle hem Ankarada howanyň üýtgemegi boýunça Halkara çagalar forumyna gatnaşdylar.
ORIENT habarlar
Surat: ÝUNISEF-iň Türkmenistandaky wekilhanasy
