TDHÇMB-daky söwdalaşyklar: suwuklandyrylan tebigy gaz we nah ýüplügi eksport edildi
Çarşenbe güni, 4-nji ýanwarda Türkmenistanyň Döwlet haryt-çig mal biržasyndaky söwdalaşyklarda jemi bahasy $3,7 mln amerikan dollaryna we 11,9 mln türkmen manadyna deň bolan 6 geleşik baglaşyldy.
Owganystandan gelen işewürler suwuklandyrylan gazyň jemi 5 müň tonnasyny satyn aldylar, her tonnasyna $485 teklip etdiler. Geleşikleriň umumy bahasy $2,4 mln amerikan dollaryna deň boldy.
Azerbaýjandan gelen telekeçi 506,8 müň kg nah ýüplügini $1.3 mln amerikan dollaryna satyn aldy. BAE-niň wekili söwdalaşyklaryň barşynda 272,9 müň kg nah ýüplügini 11,9 mln türkmen manadyna satyn aldy.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
Surat: redaksiýanyň arhiwinden
