Özbegistan 2023-nji ýylda Owganystana elektrik energiýasy bilen üpjün etmegi dowam etdirer
Özbegistan Owganystana elektrik energiýasy bilen üpjün etmek baradaky ylalaşygy ýene-de bir ýyla uzaltdy. Bu barada Owganystanyň Energetika we suw serişdeleri ministriniň wezipesini ýerine ýetiriji Abdal Latif Mansuryň Daşkende eden iş saparynyň jemleri boýunça belli boldy – diýip, TOLO News habar berýär.
«Biz 2023-nji ýylda elektrik energiýasyny satyn almak hakynda ylalaşygyň möhletini uzaltdyk» - diýip, ministr žurnalistlere beýan etdi.
Gepleşikleriň çäklerinde Kabul şäheriniň we Owganystanyň birnäçe welaýatlarynyň Özbegistandaky elektrik stansiýalaryndaky tehniki näsazlyklar sebäpli elektrik energiýasynyň ýeterlik üpjün edilmeýändigi görkezildi. Gazanylan ylalaşyklara laýyklykda Özbegistan goňşy ýurda gyş döwründe 450 megawatta golaý elektrik energiýasyny iberer.
Özbegistanyň elektrik energiýasyny eksport etmeginiň esasynda onuň türkmen tebigy gazyndan öndürilmegi bolup durýar.
ORIENT habarlar
Surat: yandex
