Awatar 2: Suwuň ýoly» atly film prokatda ýarym aýyň dowamynda $1 mlr-dan gowrak toplady
«Awatar 2: Suwuň ýoly» fantastiki film ýarym aýyň dowamynda eýýäm $1 mlr.-dan gowrak toplady – diýip, Kinonews habar berýär.
Filmiň halkara kassasyndan gazanany $760 mln-dan geçýär, onuň köp bölegi Hytaýyň paýyna düşýär ($111 mln). Şeýle hem bu ýylda täze düşürilen filme Fransiýadan, Günorta Koreýadan, Germaniýadan we Hindistandan kino söýüjiler uly gyzyklanma bildirdiler. Elbetde, şunda öňde baryjy ýurt ABŞ boldy.
Şeýlelikde, film şeýle gysga wagtyň içinde milliard dollar gazandy. Uzak wagtlap garaşylan ilkinji görkezilişiň senesi 8 gezek üýtgedildi. Şunda film haýran galdyrýan görüş täsirleri we sazyň sowatly saýlanyp alynmagy sebäpli tehniki taýdan iň gowularyň biri hasaplanýar.
2009-njy ýylda çykan «Awataryň» birinji filmi dünýäde kassa ýygymlary boýunça 10 ýyllap öňdebaryjylygy eýeläp geldi, 2021-nji ýylda bolsa Hytaýda gaýtadan prokata çykarylandan soňra görkezgiçde ýene-de birinji setiri eýeledi. Ol filmi döredijilere jemi $2,8 mlrd. getirdi.
ORIENT habarlar
Surat: mirf.ru
