Russiýadaky maglumat tehnologiýalarynyň ägirtleri täze ykjam operasion ulgamy döretmegi meýilleşdirýärler
«Yandeks», VK, «Rostelekom» korporasiýalary, şeýle hem «Sberbank» Androidiň esasynda we Google Mobile Services platformalaryň ýerini tutup biljek täze ykjam operasion ulgamy işläp düzjek kompaniýany döretmegi meýilleşdirýärler – diýip, «Kommersant» habar berýär.
Russiýanyň Sanlylaşdyrma ministrligi milli ykjam ulgamyny ösdürmek üçin taslama işläp düzüjileriň konsorsiumyny işe çeker, öz gezeginde «Sberbank» «Rostelekom» bilen bilelikde Androidiň umumy elýeter kodunyň esasynda we platformalary şuňa meňzeş ykjam hyzmatlaryň esasynda ykjam operasion ulgamy döretjek kompaniýany esaslandyrmagy meýilleşdirýärler.
«Resmi taýdan entek konsorsium ýok, ýöne uly oýunçylar platformany işläp düzmek üçin birleşmäge taýýar. Ol öz goşundysynyň adekwat funksionala eýe bolmagyny isleýänleriň ählisine gerek» – diýip, özüni tanyşdyrmadyk çeşmäniň sözleri getirilýär, bu meýilnamanyň «Rostelekom» tarapyndan çykarylan «Awrora» operasion ulgamyna garşy gelmeýändigini belledi.
«Awrora» OU korporatiw we döwlet pudagynda duýgur maglumatlar bilen işlemek üçin ulanylar, täze OU bolsa alyjylar köpçüligine gönükdiriler.
ORIENT habarlar
Surat: ixbt.com
