Kriştianu Ronaldu çempionlaryň Ligasynda “Nýukasl” üçin oýnar
“Altyn topuň” bäş gezek eýesi bolan Kriştianu Ronaldu Saud Arabystanyň “An-Nasr” topary bilen baglaşylan şertnamanyň şertlerine görä “Nýukasl Ýunaýted” komandasy üçin Çempionlar ligasynda öz karýerasynda ýene bir gezek oýnamak mümkinçiligine eýedir – diýip, Morca habar berýär.
Geçen hepde meşhur portugal futbolçysynyň iş şertlerini kanagatlandyryp biljek ýewropa klubyny tapmandygy üçin, Saud Arabystanyň futbol kluby bilen şertnama baglaşdy.
Ýöne, muňa garamazdan, Ronaldu esasy Ýewropa ýaryşlaryna gatnaşmaga kararlydyr. “An-Nasr” bilen baglaşylan şertnamadaky aýratyn madda laýyklykda, eger-de ol topar bu möwsümde ÇL-na çyksa, Kriştianu “Nýukasl Ýunaýted” üçin Ýewropa oýunlaryna gatnaşmaga hukuklydyr.
“Nýukaslyň” Saud Arabystandaky Özygtyýarly gazna degişlidigi sebäpli, Kriştianu ol ýere kärendesine ugradylyp bilner. Şertnamanyň özi bolsa 2025-nji ýylyň tomsuna çenli hereket edýär.
ORIENT habarlar
Surat: ria.ru
