Russiýaly müfti musulmanlara Täze ýyl baýramçylyk saçaklaryna halal işdäaçarlary taýýarlamagy maslahat berdi
Russiýanyň Musulmanlarynyň ruhy mejlisiniň müftüleriniň başlygy Albir Krganow dindeşlerine täze ýyl saçagyna halal önümlerden “oliwýe” atly meşhur işdäaçary taýýarlamagy maslahat berdi.
“Men öz dindeşlerime “oliwýe” işdäaçaryny ýöne diňe halal (yslam tarapyndan rugsat edilen) önümlerden taýýarlamagy maslahat berýärin, onsuz Täze ýyl saçagyny göz öňüne getirmek kyn. Degişli şöhlat, et ýa-da maýonez ýaly önümleri ýöriteleşdirilen dükanlarda ýa-da metjitlerde satyn almak bolar. Ýumurtga, gök önümler, nohut we beýleki goşundylary adaty söwda nokatlaryndan satyn alyp bolýar” – diýip, müfti Krganow RIA Nowosti habar berdi.
Ol sowet döwründen soňky giňişlikdäki musulmanlaryň arasynda Täze ýyl baýramyny bu işdäaçar bilen garşylamak däbiniň şu güne çenli dowam edip gelýändigini belläp geçdi.
“Bu taryhy geçmişimize bolan hormat. Musulmanlar konserwatiw, şonuň üçin olaryň saçaklarynda şol döwrüň aşhanasyna laýyklykda taýýarlanan tagamlar köp. Birinjiden, bu hakykatdanam tagamly, ikinjiden, şeýle tagamlary görüp, biz çagalygymyzy ýada salýarys. Yslam dinine uýýanlaryň arasynda spirtli içgiler, elbetde, gadagan" – diýip, ol sözüniň üstüni ýetirdi.
Şol bir wagtyň özünde müfti Krganow Täze ýyl mynasybetli dynç alyş günlerinde aşa köp iýmezligi maslahat berdi.
“Bu döwür myhmançylyga gitmek we ýakynlaryňyzy we dost-ýarlaryňyzy kabul etmek üçin diýseň amatly döwür. Ýanwar aýynyň başynda ýeňillik bilen ruhubelent ýagdaýda başlamak üçin artykmaç köp iýmezligi maslahat berýärin" – diýip, müfti Krganow sözüni jemledi.
ORIENT news
