Koreýa Respublikasy älem giňişligini özleşdirýän döwletleriň hataryna girdi
Günorta Koreýanyň KPLO (Korea Pathfinder Lunar Orbiter), başgaça Danuri diýlip hem atlandyrylýan kosmiki enjamy ilkinji gezek älem giňişligine çykaryldy we Aýyň orbitasynda üstünlikli birikdirildi – diýip, Koreýa Respublikasynyň ylym we maglumat-kommunikasiýa tehnologiýalar ministrligine salgylanyp, TASS agentligi habar berýär.
«Bu taryhy pursat bolup, ol Koreýa Respublikasynyň älem giňişligi ylmynyň we tehnologiýasynyň ýokary derejesine, älem giňişligini özleşdirýän döwletleriň hataryna girmegine şaýatlyk edýär» – diýip, ýurduň prezidenti Ýun Sok Ýol Facebook-daky sahypasynda ýerleşdiren gutlagynda ýazýar.
Adam tarapyndan dolandyrylmaýan enjam 145 gün mundan öň Ýeri terk edipdi. Danuri Aýdan 100 km uzaklykda 30 km säwlik bilen Aýyň grawitasiýasy tarapyndan dartylmak bilen, onuň daşyndan aýlanýar. Ol 2023-nji ýylda öňde goýlan ylmy-tehniki wezipeleri ýerine ýetirmäge girişer.
ORIENT habarlar
Surat: aboutspacejornal.net
