Türkmenistanda 2023-nji ýylda geçiriljek sergileriň we maslahatlaryň senenamasy neşir edildi
Türkmenistanyň Söwda-senagat edarasy resmi saýtynda 2023-nji ýylda sergileriň we maslahatlaryň täzelenen senenamasyny çap etdi.
Geljek ýyl Türkmenistanda ilkinji gezek häzirki zaman azyk önümçiligi tehnologiýalarynyň «Agro-Pak Türkmenistan-2023» halkara sergisini geçirmek meýilleşdirilýär. Şeýle hem «Awaza-2023» halkara tans we folklor festiwaly we Türkiýäniň eksport harytlarynyň sergisi guralar.
Sanawa görä, Türkmenistanda däp bolan her ýylky, Türkmenistanyň Senagatçylar we telekeçiler birleşmesiniň döredilmegine, Paýtagtyň gününe, Garaşsyzlygyň 32 ýyllygy mynasybetli ýurdumyzyň ykdysady üstünliklerine we ş.m. bagyşlanan sergiler geçiriler.
Mundan başga-da, halkara ylmy maslahatlary we festiwallary, Halkara «Türkmen Alabaý itleri» assosiasiýasynyň III mejlisini guramak meýilleşdirilýär.
Senenamalaýyn tertipde aýlaryna görä ýerleşdirlen çäreleriň doly sanawyny ORIENT-iň täze «Afişa» bölüminde görüp bilersiňiz.
ORIENT news
Surat: Redaksiýanyň arhiwinden
