Türkmenistanyň baş arçasy GDA ýurtlarynyň arasynda iň beýik arça
43 metr beýiklikdäki Türkmenistanyň baş täze ýyl arçasy GDA ýurtlarynyň Täze ýyl arçalarynyň arasynda iň beýik diýlip ykrar edildi we birinji ýeri eýeledi. Ýerewanyň arçasy 37 metr, Daşkendiň arçasy – 35 metr, Baku şäherindäki arça - 34 metr we Duşanbe şäherindäki - 30 metr, - diýip, Arkalaşygyň ýurtlarynyň täze ýyl arçalarynyň sanawyny düzen Turstat portaly habar berýär.
Ýaşyl perizat Aşgabatda Älem medeni-dynç alyş merkeziniň öňündäki meýdançany bezäp dur. Däp bolşy ýaly, 15-nji dekabrda Aşgabadyň baş arçasynda dabaraly ýagdaýda täze ýyl yşyklary ýakyldy.
Moskwanyň baş arçasy, has takygy Russiýanyň baş arçasy - beýikligi 27 metr bolan arça uzynlygy boýunça ilkinji onluga girdi. Ol Moskwada, Kremliň sobor meýdanynda bezelendir. GDA-nyň beýik arçalarynyň sanawynda Minsk (27 m), Astana (25 m), Bişkek (25 m) we Kişinýow (20 m) täze ýyl arçalary hem bar.
