Gazagystan ýurduň döwlet durmuşynda parlamentiň ornuny güýçlendirýär
Gazagystan güýçli parlamenti bilen prezident dolandyryşy ulgamyna geçýär – diýip, Respublikanyň Prezidenti Kasym-Žomart Tokaýewiň Senatyň mejlisinde beýan edendigini The Astana Times habar berýär.
«Syýasy prosesler aýdyň, syýasy ulgam bolsa – has durnukly bolar. Prezidentiň ygtyýarlyklarynyň birnäçesi parlamente geçirildi, merkezden sebitlere berildi. Garyşyk saýlaw ulgamy girizildi. Parlamentiň orny we derejesi artdy. Syýasy partiýalary hasaba almagyň tertibi ýönekeýleşdirildi» – diýip, GR-nyň döwlet baştutany çykyşynda beýan etdi.
Mejlisiň dowamynda Tokaýew adam hukuklary babatynda öňe gidişligi bardygyny belledi, şunda ýurtda Konstitusion kazyýetiň döredilmeginiň möhümdigini belledi. Şeýle hem döwlet baştutany özgertmeleriň indiki ýyl hem dowam etdiriljekdigini aýtdy.
«Şu ýyl biziň ýurdumyz köp zady başdan geçirdi, ýöne bize ähli kynçylyklary ýeňip geçmek başartdy» – diýip, syýasatçy sözüni jemledi.
ORIENT habarlar
Surat: president.kz
