Mbappe DÇ-2022-de Fransiýanyň ýeňlişi barada öz pikirini beýan etdi
Katarda futbol boýunça geçirilen Dünýä çempionatynyň finalynda öz milli ýygyndysynyň ýeňlişe sezewar bolşy barada öz pikirini beýan etmek bilen, Fransiýanyň ýygyndysynyň hüjümçisi Kilian Mbappe «Men muny hiç haçan unudyp bilmerin» diýdi. «Pari Sen-Žermen» klubynyň oýunçysynyň aýdan bu jümlesini Get French Football News neşiri ýazýar.
Futbolçy şeýle hem Fransiýanyň ýygyndysynyň ýeňlendigi üçin onuň klubynyň ýöňkelmegine hiç hili sebäp ýokdur we bu iki ýagdaýy deňeşdirip bolmaz – diýip, belledi. Onuň nygtamagyna görä, ol klub bilen 2022/2023 möwsümiň ähli oýunlaryny ýeňişlere beslemek üçin doly hyjuwlydygyny belledi.
Mbappe 2022-nji ýylda futbol boýunça dünýä çempionatynyň iň köp gol salan futbolçysy diýlip ykrar edildi. Hüjümçi ýaryşyň ýedi oýnunda 8 gezek topy derwezeden girizmegi başardy.
ORIENT habarlar
Surat: readfootball.com
