Fransuzlara odunlyk üçin talon berlip başlandy
Dekabr 29, 2022 | 02:07 |7346
Fransiýanyň hökümeti 27-nji dekabrda ýurduň käbir etraplarynyň ýaşaýjylaryna öýlerini ýylatmak üçin odunlyk talon berip başlady. Ouest France neşiriniň habar berşi ýaly, Ýewropada energetika çökgünligi hem-de gyşyň başynda elektrik energiýanyň bahasynyň ýokarlanmagy sebäpli, hökümet şeýle çäre görmeli boldy.
Döwlet tarapyndan ilatyň has ejiz gatlaklaryna goldaw bermek baradaky maksatnamanyň çäklerinde berilýän çegiň bahasy 50 ýewrodan 200 ýewro aralykda üýtgeýär. Bilermenleriň baha bermegine görä, Fransiýada 2,6 milliona golaý öý hojalyklary öýleri odunlar bilen ýyladýarlar we olaryň 70%-e golaýy “energetika çeklerini” ulanyp biler.
Indi ýewropa ýurdunyň ýaşaýjylary döwletden odunlyk kömek almak üçin resminamalary toplaýarlar.
ORIENT news
