Türkmenistanyň milli ýygyndysy Bakuda robot tehnikasy boýunça geçirilen ýaryşda kümüş medal gazandy
Türkmenistanyň milli ýygyndysyna gatnaşýan mekdep okuwçylary we talyplar Bakuda informatika we robot tehnkasy boýunça geçirilen halkara ýaryşlarynda toparlaýyn hasap boýunça kümüş medala mynasyp boldular. Ýaş inženerler bäsleşikde onlarça ýurtdan: Beýik Britaniýa, Ysraýyl, Türkiýe, Norwegiýa, Şwesiýa, Özbegistan, Gazagystan ýaly ýurtlardan bolan mynasyp we zehinli bäsdeşlerinden öňe geçip, ikinji ýeri eýelediler - diýip, Azerbaýjan metbugaty ýazýar.
Türkmen programmistleriniň robotlary halkara Baku ýaryşynda iň gowularyň sanawyna girdi. Mysal üçin, Maksat Kakajanowyň “Halas ediji” miniatýura modeli hemra aragatnaşygy arkaly işleýär we kynçylyga düşen adamy tapyp bilýär. Talyp Şöwket Şöhradowyň okuw meýilnamasy bolsa geljekki hünäriňi saýlamaga kömek eder. Programma iki dilde - rus we azerbaýjan dillerinde işleýär we taslamanyň awtory ikinji dili ýaryşyň bakuda geçirilýändigini göz öňünde tutmak bilen ýörite gurnady.
“Biziň goşundymyz – anketa (sorag-jogap). Ol ýaşlara geljekki hünärini saýlamaga kömek etmeli. Onda psihologiýa boýunça soraglar we programmirleme boýunça dürli okuw materiallary bar” - diýip, Magtymguly adyndaky Türkmen döwlet uniwersitetiniň 4-nji ýyl talyby Şöwket Şöhradow gürrüň berýär.
Türkmen programmistleri häzirden indiki synaglara taýynlyk görüp başladylar – geljek ýylyň martynda olar robot tehnikasy boýunça bäsleşigiň geçirilýän şäheri Londona ugrarlar.
ORIENT news
