Noýabr aýynda Azerbaýjana baryp gaýdan türkmen syýahatçylarynyň sany 5 esse artdy
Syýahatçy hökmünde Azerbaýjana baryp gören türkmenistanly raýatlaryň sany 2022-nji ýylyň noýabrynda geçen ýylyň şu aýy bilen deňeşdireniňde 5,1 esse artdy – diýip, Azerbaýjanyň syýahatçylyk baradaky Döwlet agentligine salgylanyp, Trend habarlar agentligi habar berýär.
Jemi 2022-nji ýylyň noýabrynda 1600 sany türkmenistanly Azerbaýjana baryp gördi. 2021-nji ýylyň noýabrynda bu ýurda Türkmenistandan bary-ýogy 308 syýahatçy baryp gördi.
Agentligiň habar bermegine görä, Türkmenistan 2022-nji ýylyň noýabrynda Azerbaýjana baryp gören syýahatçylaryň sany boýunça iň öňdäki 15 sany ýurduň hataryna goşuldy.
Jemi şu ýylyň noýabr aýynda 135 370 sany daşary ýurtly Azerbaýjana baryp gördi, bu bolsa geçen döwrüň degişli görkezijisi bilen deňeşdireniňde 54% ýokarydyr.
ORIENT news
Surat: turvopros.com
