Dima Bilan we Nýuşa Aşgabada geldiler – wideo
Türkmenistanyň paýtagtyna Russiýanyň belli aýdymçylary Dima Bilan we Nýuşa geldiler, olar paýtagtymyzyň Sportuň gyşky oýun görnüşleri sport toplumynda ýekelikde çykyş etmek bilen, konsert bererler.
ORIENT ýyldyzlaryň Aşgabadyň Halkara howa menzilinde garşy alynyş dabarasynyň wideosyny size hödürleýär.
Dima Bilanyň 24-nji dekabrda – ýagny öz doglan gününde Türkmenistana gelendigini belläp geçmeli. Ol 41 ýaşady. Şol sebäpli garşy alýanlar artiste sowgat gowşurdylar.
Dima Bilanyň we Nýuşanyň çykyşlary 25-nji dekabrda bolar. Soňra, 26-njy dekabrda Sportuň gyşky oýun görnüşleri boýunça sport toplumynyň sahnasynda türk aýdymçylary – Irem Deriji we Mustafa Sandal çykyş ederler. 27-nji dekabrda aýdymçy JONY ýekelikde çykyş edip, konsert berer.
Çykyşlaryň tertibi şu salgy boýunça elbeterdir.
ORIENT habarlar
Surat we wideo şekil ORIENT
