«Mahabat» müdirligi multfilmleriň meşhur gahrymanlary bilen täze ýyl žurnallaryny çykardy

Dekabr 27, 2022 | 21:23 |11223

Ýetip gelýän täze ýyl mynasybetli Türkmenistanyň Telewideniýe, radiogepleşikler we kinematografiýa baradaky döwlet komitetiniň «Mahabat» müdirligi türkmen multfilmleriniň meşhur gahrymanlary bilen «Zehin soraglary» žurnalynyň täze ýyl sanyny çykardy.

Baýramçylyk sanynda dürli sanawaçlar, rebuslar, matallar – çagalaryň intellektual ukyplarynyň ösüşine kömek edýän zatlar ýerleşdirilendir. Žurnalyň sahypalarynda şeýle hem ene-atalar üçin täze ýyl baýramçylygyny şatlykly we çaga üçin peýdaly geçirmek barada maslahatlar hem ýerleşdirilipdir.

Žurnaly onlaýn görnüşde Türkmenistanyň Telewideniýe, radiogepleşikler we kinematografiýa baradaky döwlet komitetiniň saýtyndan satyn alyp bolýar Döwletteleradio.

ORIENT habarlar
Surat: «Mahabat»müdirligi