Türkiýe 2023-nji ýylda Gara deňizden 540 mlrd kubometr gaz çykarmagy meýilleşdirýär
Türkiýäniň Prezidenti Rejep Taýyp Ärdogan 2023-nji ýylyň birinji çärýeginde 540 mlrd kubometr möçberde Gara deňizden gazylyp çykaryljak gazdan peýdalanjakdygyny yglan etdi – diýip, RIA Nowosti habar berýär.
«Biz Gara deňizde üsti açylan ýatakdan 540 mlrd kubometr tebigy gazy çykaryp, ondan 2023-nji ýylyň birinji çärýeginde öýlerimizde peýdalanarys» – diýip respublikanyň baştutany Atatürk uniwersitetinde talyp ýaşlaryň öňünde eden çykyşynda beýan etdi.
Türkiýäniň Gara deňziň çäklerinden gaz çykarmak meýilnamasyna $10 mlrd maýa goýjakdygy, mawy ýangyjyň ilkinji akymyny 2023-nji ýylyň birinji çärýeginde aljakdygy öň habar berlipdi. Şunda Türkiýäniň energetika ministrliginiň baştutany Gara deňizde tapylan gaz ýataklaryndaky gazyň baha möçberiniň $400 mlrd bolup biler – diýip belläpdi.
Türkiýäniň tebigy gazy öz bazaryny giňeltmek we diwersifikasiýa etmäge gyzyklanma bildirmegi ýurduň Ýewropanyň gaz haby bolmak islegi bilen düşündirilýär. Golaýda Türkiýäniň döwlet baştutany türkmen gazyny Ýewropanyň energiýa serişdeler bazaryna çykarmak baradaky meýillerini beýan edipdi.
Baglanyşykly okaň:
Türkiýe gazy Türkmenistandan Ýewropa ibermegiň ýol kartasyny tiz wagtda işläp düzmegi wada berdi
Türkiýe bir ýylyň dowamynda gaz habyny döretmek taslamasyny durmuşa geçirmegi niýet edinýär
ORIENT habarlar
Surat: ria.ru
