Dima Bilanyň Aşgabatdaky şüweleňi – arzuw edip ýörenler üçin
Russiýanyň populýar aýdym-sazlary ýerine ýetirijisi Dima Bilan Aşgabatda şenbe güni agşam ýekelikde konsert berdi hem-de ýerli muşdaklaryň joşgunyny artdyrdy.
Artist dürli ýyllarda döreden uly meşhurlyga eýe bolup, söýlüp diňlenilýän aýdymlaryny hem-de täze kompozisiýalaryny ýerine ýetirdi. Şol çykyşlar “ýyldyz” bilen duşuşykdan başga-da, beýleki täsinlikleri-de döredip, täze ýylyň öňüsyrasyndaky günlerde ajaýyp sowgat boldy.
“Biz seniň bilen arzuwçy, biz şeýle bir dürli, beýlekilere meňzeş däl ...”, “Men seni diňe bir söýýän, men diňe seniň yzyňdan ylgaýan ...” – zaldaky tomaşaçylar Bilan bilen bilelikde, bu meşhur sözleri aýtdylar hem-de köpçülik bolup ýerine ýetirilen aýdymlaryň uly joşgunly owazy teşneligi gandyryp, alyslara ýaň saldy.
Onuň çykyşlary – hemişe ýatda galyjy şüweleňe öwrülip, onda mizemiz ylham, joşgun we ruhubelentlik sazlaşýar.
ORIENT news
Foto we wideo: Süleýman ÇARYÝEW
