Aýdymçy Nýuşa Aşgabadyň tomaşaçylaryna şatlyk paýlady – konsertden soňraky söhbetdeşlik
"Sport toplumynyň sahnasyna täze ýyl şatlygyny alyp barýan" – diýip, Nýuşa Aşgabat şäherine gelmezinden birnäçe gün öň WKontakte öz sahypasynda ýazdy. Diýşi ýaly-da, getirdi!
Bu gyzyň göwnaçyklygy, mylaýymlygy, gözelligi, artist hökmünde öz muşdaklaryna bolan mähir-muhabbeti sportuň gyşky görnüşleri sport toplumynyň tomaşaçylardan ýaňa hyryn-dykyn zalyna üýtgeşik keýpiçaglyk, puhubelentlik paýlady.
Köpsanly aýdym-saz baýraklaryny we ussat estrada aýdymçylarynyň dürli derejedäki sanawlarynda iň ýokarky setirleri eýeländigine garamazdan, Nýuşa konsertlerinde görýän adamlarynyň bagtly ýüzlerini özüniň esasy baýragy hasaplaýar. Şeýle bagtyýar ýüzler Nýuşanyň türkmen paýtagtyndaky konsertinde-de, baýramçylyk yşyklary ýaly, öz ýylgyryşlary bilen şöhle saçýan ýalydy.
Öz aýdymlarynyň awtory, ýerine ýetirijisi we aýdym-saz prodýuseri bolmak bilen, Nyuşa tomaşaçylaryň söýgüsini gazanan meşhur eserlerini we şol sanda täze aýdymlaryny ussatlyk bilen ýerine ýetirip, aşgabatly muşdaklaryny özüne maýyl etdi.
Konsertden tamamlanan badyna žurnalistler myhmandan täsirlerini paýlaşmagyny we tomaşaçylara täze ýyl arzuwlary bilen ýüzlenmegini haýyş etdiler.
ORIENT news
Photo and video: Suleiman CHARYEV
