Mbappeniň “Reala” geçmegi kluba jemi 1 milliard ýewro düşmegi mümkin
“La Gazzetta dello Sport”-yň berýän habaryna görä, fransuz hüjümçisi Kilian Mbappeniň “Reala” geçmegi Ispaniýanyň futbol klubuna jemi 1 milliard ýewro düşüp biler.
Habarda fransuz futbolçysyna çykjak aýlyk we goşmaça tölegleri göz öňünde tutup, onuň bu klubdan girdejisi 630 million ýewrodan geçip biljekdigi aýdylýar. 24 ýaşly oýunçynyň toparyny “Realyň” peýdasyna üýtgetmegi bilen klub 1 milliard ýewrodan gowrak çykdajy eder.
PSG-iň Mbappe bilen baglaşan häzirki şertnamasy iki ýyllyk bolup, ýene bir möwsüme uzaldylyp bilner.
Mbappé PSG-a 2018-nji ýylda “Monakodan” geçdi. “Transfermarkt” portalynyň berýän maglumatlaryna görä, bu topar çalyşma bonuslar hasaba alynmazdan, 145 million ýewro deň boldy. Parižlileriň düzüminde ol Fransiýanyň dört gezek çempiony boldy, Fransiýa ligasynyň kubogyna we ýurduň Super kubogyna iki gezekden mynasyp boldy, üç gezek Fransiýanyň kubogyna eýe boldy. Fransuz ýygyndy topary bilen bilelikde ol 2018-nji ýylda dünýä çempiony we 2022-nji ýylda wise-çempion boldy.
ORIENT news
