Tokioda türkmen edaralary bilen ýapon kompaniýalarynyň arasynda resminamalaryň toplumyna gol çekildi
Türkmenistanyň we Ýaponiýanyň ykdysady hyzmatdaşlyk boýunça bilelikdäki komitetiniň 14-nji mejlisiniň dowamynda Türkmenistanyň döwlet edaralary bilen Ýaponiýanyň kompaniýalarynyň arasynda himiýa, gaz senagaty, ulag hem-de suw hojalygy ulgamlarynda resminamalaryň toplumyna gol çekildi. Bu barada türkmen DIM-niň metbugat gullugy habar berýär.
Duşuşyk penşenbe güni Tokioda geçirildi. Bu forumyň işine gatnaşmak üçin daşary işler ministri Raşid Meredowyň ýolbaşçylygyndaky türkmen wekileýeti iş sapary bilen Ýaponiýa geldi.
Duşuşykda ikitaraplaýyn söwda-ykdysady gatnaşyklaryň häzirki ýagdaýyna gysgaça seljerme berildi, gaz-himiýa we elektroenergetika ulgamlarynda Türkmenistanda iri taslamalaryň durmuşa geçirilmegine ýapon kompaniýalarynyň goşýan goşandy bellenildi. Şeýle hem taraplar ulag, senagat, suw hojalygy, maliýe we ekologiýa ýaly ugurlar boýunça gatnaşyklaryň geljegine, bilim hem-de saglygy goraýyş babatda hyzmatdaşlygy giňeltmegiň mümkinçiligine garadylar.
ORIENT news
Фото с сайта МИД Туркменистана
