Netflix Temirlen hakynda taryhy film düşürer
Bütindünýä meşhur Netflix onlaýn-kinoteatry Temirlen ady bilen has meşhur bolan Özbegistanyň gahrymany Emir Temir hakynda taryhy film düşürer. Eksterýer ýazgylaryň köp böleginiň Gazagyztanda, interýer ýazgylaryň bolsa Özbegistanda geçirilmegi meýilleşdirilýär diýip, bu ýurtlaryň habarlar agentlikleri habar berýär.
Doly göwrümli film “Temirlen” diýlip atlandyrylar hem-de Orta, Günorta we Günbatar Aziýanyň, şeýle hem Kawkazyň, Powolžýäniň we Rusuň taryhynda örän uly orun eýelän Orta Aziýanyň beýik türk-mongol serkerdesiniň ömri we kemala gelşi barada gürrüň berer. Kinolenta ABŞ-nyň, Gazagystanyň we Özbegistanyň kinematografiýaçylarynyň hyzmatdaşlygynda düşüriler. Taslama daşary ýurtlaryň meşhur artistleri hem gatnaşarlar.
Filmiň režissýory Jeýkob Şwars. Taryhy taslama üçin çylşyrymly tilsimleri Gazagystanyň Nomad Stunts meşhur kaskadýorlar kompaniýasy goýar. Kinorežissýor bu kompaniýany saýlap almagynyň tötänden däldigini belledi, çünki oňa bu sebitde ýaşaýan adamlaryň gündogar medeniýetine başgaça garaýyş we pikir zerurdy.
“Men Emir Temiriň taryhyny gürrüň bermegi hem-de ony günbataryň tomaşaçysy üçin gyzykly etmegi başararys diýip umyt edýärin. Häzir ýerli taryh barha uly meşhurlyga eýe bolýar, şoňa görä-de, men biziň filmmiziň günbataryň hem-de gündogaryň tomaşaçylarynyň arasynda köpri gurmaga kömek etmegini isleýärin” diýip, Şwars belledi.
Filmiň ýazgylary 2023-nji ýylyň baharynda başlanar.
ORIENT news
