Türkmenistanda bilimi dolandyrmakda täze maglumatlar ulgamyny ornaşdyrylýar
Türkmenistanda bilimi dolandyrmakda täze maglumatlar ulgamyny ornaşdyrmagyň üstünde işleýärler, munuň üçin eýýäm synag goşundysy işlenip düzüldi – diýip, ORIENT-iň habarçysy habar berýär.
ÝUNISEF ýurdumyzyň Bilim ministrligi we Innowasiýa maglumatlar merkezi bilen bilelikde bu ulgamy durmuşa geçirmek boýunça bilimi dolandyrmagyň maglumatlar ulgamy bilen tanyşdyrmak we milli hünärmenlere ondan peýdalanmagy öwretmek boýunça okuw geçirdi.
Çäräniň gatnaşyjylaryna – bilim ulgamyndaky we okuw edaralaryndaky maglumatlary toplamak we hasabatlylyk boýunça jogapkär hünärmenlere bilimi dolandyrmagyň maglumatlar ulgamy boýunça synag goşundysy hödürlendi, ol ýöriteleşen ugur boýunça maglumatlary ýygnamaga, hyzmat etmäge, seljermäge, ýaýratmaga we peýdalanmaga niýetlenendir.
Täze ulgamyň ulanylmagy bilim ulgamyndaky maglumat toplamak prosesini awtomatlaşdyrmaga we sanlylaşdyrmaga, şeýle hem ony ýeke-täk amatly ölçegde ýerleşdirmäge mümkinçilik berer.
Uzagyndan «Türkmenistanda bilimi dolandyrmagyň maglumatlar ulgamy» boýunça okuw gollanmasyny taýýarlamak göz öňünde tutulýar.
ORIENT news
Surat BMG-nyň Çagalar gaznasynyň Türkmenistandaky wekilhanasy tarapyndan berildi
