Türkmenistan ösümlikleri we tohumlary goraýjy serişdeleriň uly tapgyryny satyn alar
Türkmenistanyň Oba hojalyk we daşky gurşawy goramak ministrligi ösümlikleri goraýjy serişdeleri satyn almak üçin Tender yglan etdi. Bu baradaky bildiriş şu gün “Neýtralnyý Turkmenistan” gazetinde çap edildi.
Edara bäsdeşligiň çäklerinde aşakdakylary satyn alar:
-Bugdaýyň tohumyny dermanlamak üçin derman serişdeleri,
-däne ammarlaryndaky däneleri we däne önümlerini işlemek we karantin çäreleri üçin fumigantlar,
-gowaçanyň zyýankeşlerine garşy insektisidler,
-gowaça üçin defoliantlar,
-gowaçanyň boýunyň ösüşini kadalaşdyryjy,
-gant şugundyrynyň çigidi,
-zyýankeşlere garşy insektisidler we ýyladyşhanalardaky gök önüm ösümlikleriniň keselleri üçin fungisidler,
-köpýyllyk haşal otlaryň garşysyna gerbisidler.
Ähli lotlar boýunça ýüz tutmalar 23-nji dekabrdan başlap 30 iş gününiň dowamynda şu salgy boýunça kabul ediler: Aşgabat ş., Arçabil şaýoly, jaý 92, Türkmenistanyň Oba hojalyk we daşky gurşawy goramak ministrligi.
ORIENT habarlar
Surat: centralasia.news
