Mişustiniň Merkezi Aziýa sapary 2023-nji ýylyň başyna meýilleşdirilen – Russiýa Federasiýasynyň Daşary işler ministrligi
Russiýanyň premýer-ministri Mihail Mişustin 2023-nji ýylyň başynda Merkezi Aziýa sapar bilen gitmegi mümkin diýip, Russiýanyň Daşary işler ministrliginiň GDA ýurtlarynyň üçünji departamentiniň müdiri Aleksandr Sternik aýtdy. Bu barada RIA Nowosti habar berýär.
"Geljek ýylyň başynda hökümetimiziň baştutanynyň sebite sapary meýilleşdirildi, ol ýerde özara bähbitli şertnamalar, täze ugurlar we halkara ulag geçelgeleri barada gepleşikler dowam etdiriler" – diýip, Aleksandr Sternik “Waldaý” diskussiýa klubunyň meýdançasynda aýtdy.
Sternigiň pikiriçe, Merkezi Aziýa ýurtlary Russiýa we sebitdäki beýleki ýurtlar bilen oňyn gatnaşyklary gurmaga çalyşýarlar.
“Men Russiýa bilen Merkezi Aziýanyň arasyndaky gatnaşyklaryň bir ýyl ozalky ýaly işjeň däldigi baradaky pikir bilen ylalaşmazdym. Gury statistikany alamyzda-da, 2021-nji ýylda ýokary derejede saparlaryň, duşuşyklaryň we beýleki çäreleriň 57-siniň geçirilendigine üns bersek, bu ýyl tas 10-a golaý artyk, has takygy – 66" – diýip, ol sözüniň üstüni ýetirdi.
ORIENT news
