Alžir 2023-nji ýylda BRIKS guramasyna agza bolmagy ahmal
Alžiriň Prezidenti Abdulmajid Tebbun ýurduň indiki ýyl BRIKS guramasyna agza bolmagyna umyt bildirdi – diýip, Lenta.ru habar berýär. Bu gurama agza bolmak barada 7-nji noýabrda ýüz tutulandan soň Russiýa, Hytaý we Braziliýa muny goldadylar – diýip, Afrika döwletiniň baştutany belledi.
“Nesip bolsa, 2023-nji ýyl Alžiriň BRIKS guramasyna agza bolan ýyly bolar” – diýip, Tebbun aýtdy.
BRIKS halkara birleşmesi bolup, oňa dünýäniň iri ösüp barýan ykdysadyýetleri – Braziliýa, Russiýa, Hindistan, Hytaý we GAR agza bolup durýarlar. Bu ýurtlarda dünýä ykdysadyýeti üçin zerur bolan dünýäniň ägirt uly çig mal ätiýaçlyklary bar.
Öň Argentina, Saud Arabystany, Müsür, Eýran we Türkiýe ýaly döwletler bu gurama goşulmaga isleg bildiripdiler.
ORIENT habarlar
Surat: news.rambler.ru
