BMG-niň Ilat gaznasynyň bilermenleriniňwekiliýeti Türkmenistanda ilat ýazuwynyň geçirilişine baha berdi
BMG-niň Ilat gaznasynyň ýokary derejedäki bilermenler wekiliýeti Türkmenistanyň 2022-nji ýyldaky ilatyň we ýaşaýyş gorunyň uçdantutma ýazuwyna taýýarlygyna we onuň geçirilişine oňyn baha berdi – diýip, “Neýtralnyý Turkmenistan” gazeti bilermenleriň köpçülikleýin habar beriş serişdeleri üçin brifinginiň jemleri boýunça ýazýar.
Toparyň baştutanynyň, BMG-niň Statistika müdirliginiň Demografiki statistika bölüminiň ýolbaşçysy Srdjan Mrkiçiň habar bermegine görä, maglumatlary ýygnamak boýunça iş guramaçylykly we meýilnama boýunça barýar. Wekiliýetiň agzalary üç şäheriň we üç obanyň ilat ýazuwy bölümçesine baryp gördi we ol ýerde ýazuwy geçirmegiň tehniki jikme-jiklikleri we usuly bilen tanyş boldular.
Wekiliýetiň agzalary aýratyn hem häzirki zaman enjamyny we programma üpjünçiligini ulanmak arkaly ýazuwy geçirmekde sanly formatdan peýdalanylyşyny aýratyn belläp geçdiler, bu bolsa ahyrky maglumatlaryň ýokary hilini we anyklygyny üpjün etmelidir.
Şeýle hem saparyň çäklerinde bilermenler tarapyndanilat we ýaşaýyş gorunyň ýazuwy barada habar bermek boýunça žurnalistler üçin ýörite okuw sapaklaryny geçirildi.
ORIENT news
Surat: ÝuNFPA-ň Türkmenistandaky wekilhanasy
